DAVAO CITY – Gi-review na sa local housing board ang local shelter plan ning dakbayan sa Davao aron nga ma-address ang suliran sa mga informal settlers ingon man masolusyonan ang housing backlog nga 59,388 aron nga mahatagan ang mga dabawenyo ug desente, affordable ug disaster-resilient housing.
Matud pa kang Konsehal Rene Elias C. Lopez, chairperson sa housing, rural and urban development, nga subay sa data gikan sa research division sa City Planning Development Office (CPDO), gibana-banaang misaka sa 59,000 ang mga informal settlers sa dakbayan kaniadtong 2015 hinungdan nga gikinahanglan ang 223 ka ektarya nga land area.
Pinaagi sa plano, masayran kung pila ang pundo nga gikinahanglan aron nga ma-address ang housing backlog ug matuman ang shelter plan.
Gikanayong padayon sumala pa ang siyudad sa pagpangita ug luna aron nga mas daghanan ang himuong relocation sites. Sa kasamtangan, aduna sumala pay 59,000 housing backlog, 100 ang natukod sa relocation site sa Tugbok.
Sa tuig 2022, laoman nga mosaka pa ang panginahanglanon sa pabalay sa mga Dabawenyos ilabi na kung mosaka sab ang populasyon sa mosunod nga lima ka tuig.
