Giklaro sa tigpamaba sa Police Regional Office XI nga wala silay gisupak nga protocol sa natigayong tensiyonadong pagserve og warrant of arrest batok kang Pastor Apollo Quiboloy ug sa lima pa niining kaubanan kaniadtong Hunyo 10 ning tuig kasamtangan.
Kini sukwahi matod pa sa mga gina-ingon sa supporters ni Quiboloy nga bakakon ug ang mismong mga kapulisan matod pa ang namisikal atong higayona rason sumala pang adunay mga indibidwal ang nanga-angol. Sumala pa ni P/Maj. Catherine Dela Rey, tigpamaba sa Police Regional Office XI, nga sila matod pa ang gisulong sa mga supporters ni Quiboloy.
Matod pa nga gihimo lamang sa mga kapulisan ang mga lakang subay na usab sumala pa sa mando sa korte o lawful order of the court nga unta masabtan usab sumala pa sa mga supporters niini.
Kahinumdumang, gitawag nga bakakon si Dela Rey sa mga supporters ni Quiboloy adlaw human ang maong panghitabo subay sa gipamahayag niini sa maong insidente.
Sa pagkakaron, nakapasang-at na usab ug kaso ang mga kapulisan batok sa 6 ka mga supporters ni Quiboloy nga gika-ingong mihara sa gihimong operasyon niini.
Gani, abri usab ang matod pa ang purtahan sa opisina sa PRO XI kung ugaling magpasaka usab og kaso ang mga supporters ni Quiboloy batok kanila.
