Nagpasalig ang PRO XI ngadto sa mga KOJC missionaries nga kinahanglang dili kini mabalaka kabahin sa padayong ginapahigayong operasyon sa kapulisan, gumikan wala silay lain sumala pang tumong kundi ang pagpangita lamang kang Pastor Quiboloy.
Gipaklaro usab sa kapulisan nga dili kabtangan, kwarta ug uban pang butang nga anaa sa sulod sa KOJC Compound ang ginapangita nila ug igo lamang sila nagbuhat sa ilahang trabaho mao ang pagsilbi sa arrest warrant.
Sukwahi matud pa kini sa ginabato sa ilaha mga miyembro ug gitawag pa sab kini nga propaganda lamang.
Dugang pa niini nga wala matud pa ebedensya ang mga taga KOJC nga ingnan ang mga kapulisan nga adunay tinguha nga kuhaon ang mga kabtangan sulod sa compound.
Dili sab sumala pa lisod sa kabahin sa kapulisan ang paghatag ug pagpamatuud, gumikan alang kanila ang pagpangita kang Pastor Quiboloy ug sa lain pang upat ka mga kaubanan niini maoy nakapahasol kanila.
