Gibutyag ni Police Regional Office XI Regional Director Police Brigadier General Nicolas Torre III nga andam na matud pa kini nga muatubang sa Senate inquiry sa Davao City nga ipahigayon kini karung adlawa.
Tumong niini aron nga magpahigayong ug imbestigasyon kabahin sa padayong nagakahitabo nga police operation sa KOJC compound.
Gikanayon niini nga PNP andam sumala pa nga mupakita sa ilahang nahimong resulta sa ilang operasyon lakip na usa sa mga impormasyon nga ilang nakalap hilabi pa nga anaa na kini sa sobra na ka semana nga operasyon sulod sa KOJC compound.
Galaum usab si Torre nga ang maong senate hearing dili mahimong rason nga makapahunong sa ilahang operasyon sulod sa nahisgutang compound.
Dugang pa niini nga magkahibal-anay matud pa sa tinuod nga nagakahitabo sa maong operasyon ug dili kini muundang sa ilang ginahimo hangtod nga wala silay madawatan nga kamanduan gikan sa ilahang superior o bisan pa man sa korte.
Lakip sab nga gihisgutan ni Torre ang kabahin sa kondisyon nga gipangayo ni Pastor Quiboloy ngadto sa Presidente kabahin sa pagpaniguro niini nga walay extraordinary rendition na mahitabo, sumala pa ni Torre inappropriate matud pa kini.
