DAVAO CITY – Gipasalig sa kapulisan ug kasundalohan nga padayon nila nga ipatuman ang mga polisiya sa siyudad dungan sa paglugway sa General Community Quarantine (GCQ) hangtud Hunyo 30 ning tuig kasamtangan gumikan sa nagpabilin nga bahad sa Corona virus disease.
Sumala sa Davao City Police Office (DCPO) magpadayon matud pa ang operasyon sa ilang 48 control point aron masiguro nga mapatuman pa gihapon ang mga polisiya ilalom sa GCQ.
Samtang gibutyag sab ni Police Major. Eudisan Gultiano, tigpamaba pa sa Police Regional Office (PRO) 11 ang mga ginadili panahon sa GCQ.
Nasayran sab nga anaa sa 664 ka mga indibidwal ang nangadakpan sugod Hunyo 1-15 ning kasamtangan nga tuig gumikan sa nagkadaiyang kalapasan sama sa curfew nga adunay 154, liquor ban nga adunay 71, Social distancing anaa sa 48, Food and medicine pass nga anaa sa 347 ug wala pagsuot ug face mask nga anaa sa 43.
