DAVAO CITY – Gikanayon ni Police Regional Office-Davao Region (PRO 11) spokesperson Police Major Eudisan Gultiano nga nangandam na sab karon ang buhatan sa pagbakuna sa mga dependents sa mga police personnel nga nag-edad ug 12 hangtud na sa 17 anyos sa higayon nga bastante na ang supply sa Covid-19 vaccine.
Kabahin kini sa roll-out sa pediatric vaccinations alang sa mga dependents sa police personnel. Kahinumduman nga gisugdan na sa National Government ang pagbakuna kaabag ang walo ka mga hospitals sa the National Capital Region (NCR) sa mga nag-edad ug 12 hangtud na sa 17 anyos nga adunay comorbidities.
Isip kabahin sa mas gipalapdan nga coverage sa Covid-19 vaccination roll-out sa nasod, nga mga bata nga adunay comorbidities ang naka-schedule nga makadawat ug bakuna nga adunay Food and Drug Administration (FDA)’s Emergency Use Authorization (EUA) nga gilangkuban sa Pfizer ug Moderna.
Ang inisyal nga pagbakuna sa mga kabataan ang ipahigayon usab sa mga hospitals diin ipailalom sab ang mga nahisgutan sa screening ug monitoring sa ilang mga doktor ug facilitating referrals kini aron nga daling maaksiyonan sa higayon nga adunay masinatian nga mga adverse events human ang pagbakuna.
