DAVAO CITY – Subling nagpahimangno si PRO 11 director Brigadier General Filmore Escobal nga kinahanglan gayud nga motamud ang mga community pantry organizers sa tanan sa mga balaud ug local ordinances kini aron malikayan ang pagkatag sa COVID-19.
Gawas niini, mitambag si DILG regional director Alex Roldan sa katawhan nga dili magpagamit ilabi na nga adunay pipila ka mga indibidwal nga migamit sa community pantry alang sa ilang kaugalingon nga interest.
Una ng gitino ni Roldan nga suportado sa ahensiya ang nahisgutan nga lakang ug gani gi-awhag nila ang komunidad nga motabang sa tradisyonal nga lakang sa gobyerno isip kabahin sa Bayanihan culture o pagtinabangay panahon sa calamities ug disasters.
Bisan nga dili na kinahanglan ug permit ang magtukod ug mga community pantries sa mga nagkadaiyang lugar sa Davao region, DILG nga kinahanglan makiglambigit ang mga organizers sa Local Government Units (LGUs), barangays, ug police kini aron matuman ang health protocols ug hapsay nga mapahigayon ang pagpanghatag ug hinabang.
Gawas sa health protocols, masiguro sab sumala pa ang kaluwasan sa mga produkto nga ipanghatag sa community pantry. Gikanayong ang mga otoridad lamang ang makasubay kung ang usa ka produkto luwas nga kaunon o dili.
