DAVAO CITY – Mihimo ug kinaugalingon nga pagpanubay ang Police Regional Office (PRO) Eleven labot sa kalambigitan ni Police Supt. Maria Christina Nobleza ngadto sa terroristang Abu Sayyaf sa Bohol.
Sumala pa kang Police Chief Superintendent Manuel Gaerlan, Regional Director sa PRO eleven nga duna sila’y pagpanubay sa mga aktibidad nga gikalambigitan ni Nobleza.
Una nang gitataw ni Gaerlan nga wala sila’y administrative control ug command control kang Nobleza, gumikan kay ubos kini sa iyang mother unit nga mao ang Crime Lab Office, apan duna sila’y operational supervision.
Gihatagan sab ug kahigayonan ang immediate unit ni Nobleza nga makalusad ug imbestigasyon.
Natay-og ang hut-on sa kapolisan human nga nadakpan sa checkpoint sa Clarin, Bohol si Nobleza uban ang bomb expert sa Abu Sayyaf nga mao ang iyang driver/ lover nga si Ren-Ren Dungon.
