DAVAO CITY – Mihangyo karon ang pamunoan sa Police Regional Office-11 (PRO 11) ngadto sa publiko ug mga Local Government Unit (LGUs) sa rehiyon nga makiglambigit kanila ug motamud sa mga polisiya dungan sa nagkaduol nga paghinumdom sa kalag-kalag.
Subli nga gibutyag ni PRO 11 spokesperson Maj. Eudisan Gultiano nga angaya’ng tabangan ang mga LGU sa pagpatuman ug seguridad ilabi na sa mga manirado nga sementeryo panahon sa kalag-kalag.
Kahinumduman nga daghanang mga public ug private cemetery sa siyudad ang temperaryo nga pasirad-an sa publiko kini aron nga malikayan ang pagtapok-tapok.
Pipila niini ang gilangkuban sa dakbayan sa Davao, Nabunturan, Maco, at Monkayo sa Davao de Oro, Island Garden City of Samal sa Davao del Norte, lungsod sa Banay-Banay ug Mati City sa Davao Oriental.
Samtang gipasalig sab sa PRO-11 nga bastante ang ilang mga sakop nga ipakatag sa mga nagkadaiyang sementeryo sa dakbayan ug kung ugaling adunay dili manirado atol mismo sa kalag-kalag, magpakatag sila sa ilang mga sakop kini aron makontrola ang mga mosulod ug malikayan ang pagtapok-tapok ingon man mapabilin ang pagpatuman sa health protocols ilabi na nga anaa pa gihapon ang bahad sa covid-19.
