DAVAO CITY – Mihangyo ang Police Regional Office (PRO) eleven ngadto sa mga abogado nga hbugtan ang ilang seguridad ug makiglambigit gilayon sa kapolisan kung dunay madawat nga bahad sa ilang kinbuhi.
Kini gumikan sa halos sunod-sunod na nga pagpamusil ngadto sa mga abogado sa rehiyon unse, diin ang pinakaulahi nga gitinguha nga pusilon ug patyon mao si Atty. Wilmer Donasco, 44 anyos, nga nanimuyo sa Lavesta Monte, Matina, ning dakbayan sa Davao.
Kini ang gihatagan ug pagtagad ni PRO-11 Spokesperson PCI Mil Grace Driz human nga gipusil sa riding in tandem si Atty. Donasco alas 7:30 kaganinang buntag atubangan lamang sa Hall of Justice ning dakbayan sa Davao sulod mismo sa iyang sakyanan dihang gihatud niini ang iyang asawa.
Kahinumduman nga ang unang nabiktima sa pagpamusil dinhi sa rehiyon unse mao si Atty. Conie Del Rio Villamor nga napatay gayud sa riding in tandem sa dakbayan sa Tagum niining milabay nga adlaw.
Mismong ang pamilya sa biktima wala pa’y matudlo nga mga tawo nga mao ang posibling suspek sa pagpusil-patay sa biktima.
