Gipresentar sa Police Regional Office 11 (PRO 11) ang kinatibok-ang 881 ka loose firearms nga kabahin sa ilang gipadayon nga kampanya batok sa illegal nga mga armas.
Sukad kaniadtong Septembre 24, 2024, nakakumpiska, nakasakmit, nakasurrender, nakadeposito ug nakuha ang 620 ka mga armas ug lakip ang 261 ka armas ang nasakmit atol sa COMELEC Gun Ban gikan Enero 12 hangtod Pebrero 9, 2025, nga naglakip sa 213 ka small arms, 6 ka eksplosibo, ug 42 ka improvised o homemade firearms.
Ang maong paningkamot nagpakita sa padayon nga dedikasyon sa PRO 11 sa pagpanalipod sa kaluwasan sa publiko ug sa ilang mga lakang aron mapangandaman ang umaabot nga 2025 National and Local Elections (NLE) ug BARMM Political Exercise (PE).
Gipasiugda ni PBGEN Leon Victor Z. Rosete nga kadaghanan sa mga nakumpiskang armas resulta sa mga operasyon sa kapulisan ug sa hugot nga pagpatuman sa COMELEC Gun Ban, nga usa ka importante nga lakang aron mapugngan ang mga ‘election-related violence’.
Gawas pa niini, nagsuporta usab ang PRO 11 sa “Revitalized Katok” nga inisyatiba ni PNP Chief PGEN Rommel Francisco D. Marbil, nga nagpaila sa responsable nga pagpanag-iya og armas ug nagtabang sa pagpugong sa paglapad sa mga illegal nga armas.
Ang maong inisyatiba naga tan-aw sa paghimo og luwas nga komunidad ug pagpugong sa mga krimen nga may kalabotan sa loose firearms.
