DAVAO CITY – Nakigkita si Chief Superintendent Manuel Gaerlan, regional director sa Police Regional Office XI, sa mga Mayor sa tulo ka mga lokal nga panggamhanan sa Davao del Norte aron nga hisgutan ang road discipline ilabi na ang pagpatuman sa regulasyon batok sa mga trisikad ug pedicabs nga naglawig sa mga national highways.
Subli nga gipahinumduman ni Director Gaerlan sila si Tagum City Mayor Alan Rellon, Carmen Mayor Virginia Perandos ug mga representante ni Panabo City Mayor James Gamao nga dili tugutan ang mga trisikad ug pedicab nga mosubay sa mga national highways kini subay sa Department of Interior and Local Government (DILG) Memorandum Circular No. 2007-01.
Gitataw sab sa opisyal nga kung ang matag usa adunay kultura sa road discipline ingon man ang tukma nga paggamit sa pedestrian, mamahimong mas molambo pa ang pagpatuman sa mga balaud trapiko sa siyudad.
