DAVAO CITY – Blangko pa ang Police Regional Office (PRO) eleven sa motibo sa pagpusil ug pagkapatay sa usa ka Prison Guard Kabungsuan Makilala, 59, menyo, nadistino sa Davao Prison and Penal Farm (DAPECOL), sa Tanglaw, Braulio E. Dujali, Davao del Norte.
Kini ang gihatagan ug pagtin-aw ni PCI Andrea Dela Cerna, tigpamaba sa PRO-11 uban sa pagkanayon nga padayon pa ang imbestigasyon ug hot pursuit operation batok sa mga suspek.
Kahinumduman nga upat ang gikatala nga mga samdon, lakip na ang usaka PO3 Pablo F. Paulo nga mi-responde lamang human mabati ang boto-boto sa armas gikan sa usaka bus sa Purok 8, Brgy. Alejal, Carmen, Davao del Norte.
Nasayran nga ang kauban sa suspek ang mipusil sa bitiis nga bahin ni PO3 Paulo.
Usa ka Rhyan Dolere, ang giilogan ug motorsiklo sa mga suspek sa dayon nila nga pag-ikyas gikan sa crime scene.
