DAVAO CITY – Nagpahigayon ang mga personahe sa Police Regional Office (PRO) 11 ug formation ingon man accounting sa ilang Regional Reactionary Standby Support Force (RSSF) isip tubag sa direktiba ni PBGEN FILMORE B ESCOBAL, PRO 11 Regional Director, kalabot sa posibleng deployment sa ilang personahe isip kabahin sa mga moresponde sa bag-ohay pa lamang nga pagbusikad sa Taal Volcano sa lalawigan sa Batangas.
Gipahibalo ni PBGEN ESCOBAL ang ilang mga personahe sa PRO nga mangandam alang sa posibleng augmentation isip tubag sa kalamidad nga hatud sa pagbusikad sa Taal Volcano ingon man mohatag ug hinabang ilabi na sa ipahigayon nga relief operations sa Local Government Units.
Una ng gibutyag ni PLTGEN ARCHIE FRANCISCO F GAMBOA, OIC sa PNP nga gimandoan na niya ang mga PNP units nga anaa palibut sa area sa Taal nga kinahanglan ipatuman ang full alert status.
Gitataw sab ni PLTGEN GAMBOA, nga nagpadala na ang Philippine National Police (PNP) ug unom ka mga dagkong trucks aron nga motabang sa pagbakwit sa mga tawo nga anaa palibot sa Taal Volcano.
Subling gipasalig ni PBGEN ESCOBAL nga andam kanunay ang Police Regional Office sa paghatag ug serbisyo ngadto sa mga biktima sa pagbusikad sa bulkan.
