DAVAO CITY – Dili mokompyansa ang kapolisan ug andam matud pa kong pananglit dunay pagahimoon nga kagubot ang mga nangasuko nga mga miyembro sa mga investment scheme human sa sunod-sunod nga raid sa National Bureau of Investigation (NBI) ug Criminal Investigation and Detection Group (CIDG) sa ilang mga buhatan sa rehiyon.
Sumala pa ni Police Major Jason Baria ang tigpamaba sa Police Regional Office (PRO) XI nga lakip kini sa ilang ginamonitor aron malikayan ang kasamok nga mahitabo kung duna man.
Gikanayon ni Baria nga prepadaro matud pa ang matag unit sa kapolisan ilabi na sa mga police station nga posibleng dunay mahitabong kasamok sa ilang matag area.
Namatikdan matud pa sa social media nga kadaghanan sa mga miyembro ang suko gumikan sa hitabo.
Usa sab sa ginalikayan karon nga subling mahitabo ang nag trending nga video diin ang mga investor sa usa ka investment scheme sa Tagum City nag-unhanay pagsulod sa mall nga miresulta sa pagkabuak sa samin nga pultahan.
