DAVAO CITY – Mamahimo na matud pa nga pangitaan karon sa mga Private businesses sa dakbayan ang ilang mga kustomer ug vaccination cards ug aduna sab kini gahum kung did-an nila sa pagpasulod ang mga dili bakunado sa higayon nga sagupo na sa siyudad ang guidelines alang sa Alert Level 1 status.
Sumala pa kang Dr. Michelle Schlosser, tigpamaba sa Davao City COVID-19 Task Force, nga ang gi-amyendahan nga guidelines sa Inter-Agency Task Force for the Management of Emerging Infectious Diseases (IATF-MEID) alang sa mga areas nga gipailalom na sa Alert Level 1 ang magtugot na sa mga public ug private establishments nga mangita ug proof of vaccination sa ilang mga kliyente.
Apan gikanayon ni Dr. Michelle Schlosser, yigpaba sa Covid-19 Taks Force nga anaa pa gihapon sa lokal nga kagamhanan kung sagupon ang guidelines sa IATF-MEID o aduna himuon nga modifications partikular na sa mga polisiya nga makaapekto sa mga dili bakunado.
Wala pa sab nagpagula karon ang lokal nga kagamhanan ug executive order diin unod ang pagsagop sa guidelines gikan sa IATF-MEID o gikinahanglan ba nga adunay modification niini.
Alang sa nahisgutan, mas maayo pa gihapon kung bakunado na ang publiko aron adunay igong proteksiyon sa kaugalingon ilabi na nga mas luag na karon ang mga restrictions dungan sa pagpailalom sa siyudad ug alert level 1 ug daghanang mga negosyo na sab gitugtan nga mag-operate.
Nasayran sab kang Schlosser nga sukad Pebrero 24 kapin 1.3 million na ka mga Dabawenyos ang fully vaccinated, 1.4 million nakadawat ug first dose, ug 208,389 ang nagpa-booster shots.
