DAVAO CITY – Gisuspendido una ang pagpatuman sa bag-ong sistema alang sa Private Motor Vehicle Inspection Service (PMVC) dinhi sa davao region ingon man wala pa usay mga private motor vehicle inspection center sa rehiyon.
Hinuon, adunay 8 ka mga centers ang nag-apply aron mahimong accredited PMVC.
Sa nahisgutang sistema mas gipahugtan sa LandTransportation Office (LTO) ang motor vehicle inspection subay sa kamanduan sa gipagawas nga circular Oder 2020-40 diin mga private motor vehicle inspection center na ang mag-inspect sa mga sakyanan inay ang LTO.
Apan, daghan sumala pa nga mga motorista ang misupak niini gumikan kay moabot sa kapin 1,500 pesos ang dugang bayaran sa mga magpa-rehistro ug mga sakyanan ug dugang 500 pesos usab sa mga motor.
Gikanayon ni King Cuerpo, Operations Head sa LTO 11 nga naa sa panahon ang pagpatuman sa nahisgutang sistema gumikan kay kinahanglan usab nga makig-dungan ang ahensiya sa nagalambong teknolohiya sa nasud.
Gitugyan na usab sumala pa ang inspection aron hingpit nang mawagtang ang mga negatibong alegasyon batok sa LTO. Ipatuman ang istrikto nga inspection aropn makab-ot sumala pa ang 70% road worthiness sa mga sakykanan.
