DAVAO CITY – Nangandam na sab karon pagbalik ang mga pribadong balay tambalanan sa dakbayan sa Davao human nga namatikdan nga subling misaka ang ihap sa mga nagpositibo sa covid-19.
Kahinumduman nga una ng gibutyag ni Davao City Mayor Inday Sara Duterte Carpio nga misaka pagbalik ang mga pasyente nga natakdan sa kagaw gumikan sa mas gipahugtan nga lakang sa dakbayan aron nga daling makapahigayon ug contact tracing.
Apan gikanayon sa opisyal nga kanunay nakiglambigit ang lokal nga kagamhanan sa mga private hospital diin kinahanglan nga modawat kini ug mga covid-19 patient sa higayon nga mosaka pagbalik ang kaso ug dili maakomodar tanan sa Southern Philippines Medical Center (SPMC).
Sa milabay lamang nga bulan dihang temporaryo nga gi-undang ang pagdawat ug mga pasyente nga natakdan ang Covid-19 sa mga private hospital human nga miubos ang ihap niini dinhi sa siyudad.
Nasayran nga anaa sa kapin 600 ang mga active cases karon sa dakbayan.
