DAVAO CITY – Pormal na nga gi-ablihan ang National Private Schools Athletic Association (Prisaa) Games 2019 kaganinang hapon sa University of Mindanao (UM) track oval. Pinaka-una nga higayon nga ang dakbayan sa Davao ang mi-host sa PRISAA Games sa pinauna nga higayon sukad nga namugna kini niadtong 1953.
Una nang gipahayag sa mga Organizers nga dunay kinatibuk-an nga 5,249 ka mga atleta ang misalmot sa unom ka adlaw nga competisyon.
Sumala pa kang National Prisaa president Ma. Lita Montalban nga ang organizing commitee andam na nga sugdan ang mga sangka human buksi kaganinang hapon ang PRISAA Games 2019.
Nasayran nga hugtanon nga seguridad ang gipatuman pinaagi sa Public Safety and Security Command Center (PSSCC) diin 4,368 ka mga personahe atol sa tibuok panahon sa mga dula.
Una nang gipahayag ni Montalban nga wala siya masayop sa pagpaningkamot nga dinhi sa dakbayan sa Davao ikapahigayonang PRISAA 2019, gumikan sa hugtanon nga suporta ni Davao City Mayor Inday Sara Duterte-Carpio.
Nasayran gikan sa Special Assistant ni Montalban nga si Lourdes Mission nga mipadala si mayor Inday ug representante atol sa opening samtang si Education secretary Leonor Briones mipadala sab ug representante.
Mitambong sa openning sila si Philippine Sports Commission (PSC) chairman William “Butch” Ramirez ug Commission on Higher Education (Ched) chairman Dr. J. Prospero E. De Vera III.
