DAVAO CITY- Subling giawhag karon sa principal sa Magallanes Elementary School ang mga ginikanan ug guardian nga magpaeroll sa ilang mga bata.
Kini human namatikdan ang kulang pa nga porsyeto sa mga studyante nga naka-enroll nga anaa pa sa 85%.
Alayon niiini, gikanayon ni Marlou de Asis, school principal sa maong tulunghaan nga padayon gihapon silang modawat og mga late enrollees luyo paman sa pagsugod na sa mga klase gikan Grade 2-6
Hinoon, base sa assessment sa unang adlaw sa abri-klase nahimong hapsay ug malinawon ang pagsulod sa mga estudyante diin gipangunahan sa flag ceremony sayo sa kabuntagon.
Nakita sab ang mga gipangmuntar nga desinyo sa gate isip maayong pagwelcome sa SY. 2024-2025.
Aduna puy presensya sa mga kapulisan ug otoridad sa nagkadaiyang tulunghaan ning syudad isip pagtabang sa seguridad sa mga kabataan.
Una nang gikanayon sa DepEd XI nga niabot sa 1.1 milyon ka mga estudyante sa rehiyon ang nakahimo na sa pagenroll uban sa pagpaklaro nga padayon gihapon silang nagadawat.
Sa kinatiuk-ang ihap sa DepEd, niabot na sa 19.8 million student enrollees ang natala alang sa School Year 2024-2025 sa tibuok nasud.
