Gikanayon ni Atty. Gerard Oliver Wang, Professorial Lecturer, sa MSU-College of Law, nga ang labing apektado sa Senate Bill No. 1979 o ang Prevention of Adolescent Pregnancy Bill mao ang katungod sa mga ginikanan ilabi na sa pagpadako sa ilang mga anak.
Dugang pa niini, nga kung madayon man nga mamahimo kini nga balaod kinahanglan sumala pa nga ipasabot usab sa ginikinan ang tumong sa maong balaod aron adunay han-ay nga pag-implementa niini.
Gipasabaot usab sa abugado, nga ang tumong sa sugyot-balaudnon nga Prevention of Adolescent Pregnancy Bill, mao ang pagpugong sa nagkataas nga ihap sa “Teenage-Pregnancy” ingon man nga sa bag-ohay lamang nga datus, anaa sa ika-duha sa Southeast-Asia ang Pilipinas isip labing daghan nga gikatala nga “Teenage-Pregnancy”.
Kahinumdoman atong mga milabayng adlaw, nga gipahayag ni Pangulong Ferdinand Marcos Jr. nga i-veto niini ang ‘anti-teenage pregnancy bill’, gumikan sa kabalaka sa pipila ka probisyon niini lakip na ang pagtudlo sumala pa sa mga bata bahin sa pakighilawas.
