-- ADVERTISEMENT --
Gilauman ang bag-ong pagsaka sa presyo sa mga produktong petrolyo sa kataposang semana sa Agosto. Gibanabana sa Department of Energy o DOE, base sa upat ka adlaw nga trading, ang pagsaka og P2.23 kada litro sa diesel.
Samtang, gilauman usab ang pagsaka sa presyo sa gasolina og hangtod P1.40 kada litro ug kerosene og P1.51 kada litro.
Sa pagkakaron, padayon pa ang pagmonitor sa lihok sa presyo sa petrolyo sa world market.
Sa kasamtangan, gilauman nga ipagawas sa DOE sa Lunes ang opisyal nga listahan sa oil price adjustments, nga kasagarang ipatuman sa mga kompanya sa lana matag Martes.
-- ADVERTISEMENT --
