DAVAO CITY- Gikanayon ni Deolly Roque, Chief Regional Consumer Protection Division sa Department of Trade and Industry XI, nga wala pay pag-usbaw sa presyo sa mga noche buena products sa pagkakaron tungod nagahulat pa ang maong hingtungdan sa Suggested Retail Price (SRP) nga ipagawas.
Dugang pa niana nga adunay kwarentay singko ka mga hardware ang naisyuhan og notice violation dinhi sa Davao Region tungod adunay mga complain nga substandard ang ilang mga produkto nga gipangbaligya.
Sa pikas bahin usab, giklaro ni Roque nga ang softdrinks dili usa ka basic necessity o kabahin sa nag-unang palaliton. Kini human nga adunay pipila ka mga reklamo ang nadawat sa ilang ahensiya nga adunay mga resellers nga ilabihan ang pagpatong sa presyo sa ilang mga produktong softdrinks.
Sa pagkakaron, ginahulat na lamang nga maghatag og pahayag ang head office kalabot sa ilang kabahin sa maong isyu. Sa pagkakaron, og adunay mga reklamo kabahin niini, mamahimong ipadayag kini sa Philippine Competition Commission (PCC).
