DAVAO CITY – Namatikdan nga ubos pa gihapon ang presyo sa mga nag-unang palaliton sa mga grocery stores dinhi sa dakbayan sa Davao bisan pa kung gipatuman na ang excise tax gumikan sa mga produkto gumikan sa Tax Reform for Acceleration and Enclusion (TRAIN) Law.
Kini ang namonitor sa Department of Trade and Industry (DTI) – 11 sa dihang nagpahigayon ug inspection ang ahensya sa pagpasiugda ni Trade Secretary Ramon Lopez.
Sumala pa kang Lopez angayan nga singko porsiento lamang ang cost of distribution sa mga produkto, lakip na niini ang sa transportation ug fuel.
Nasayran gikan kay Luz Dolor nga usa ka operator sa grocery store nga giseguro gayud nila nga dili kaayo motaas ang presyo sa ilang mga baligya aron nga dili mobiya ang ilang mga customer.
Mahimangno ni Trade Secretary Lopez nga makamulta ug baynte mil ka pesos, hangtud sa usa ka milyon ka pesos ang mga mo-overprice sa ilang mga produkto, labi na nga mipahimutang ang DTI ug kwatrosentos ka mga inspectors sa tibouk Davao region.
