Base sa early estimate gikan sa milabay nga mga trading day, gilauman nga mosaka na usab ang presyo sa mga produktong petrolyo sa nasud.
Ang gasolina posibleng mosaka og kapin kon kulang ₱6.20 matag litro, samtang ang diesel gibanabanaan nga motaas og dul-an ₱20.00 matag litro.
Samtang, ang kerosene mahimo usab mosaka og kapin kon kulang ₱13.00 matag litro.
Gipasabot sa mga eksperto nga ang mga presyo mahimo pa’g mausab depende sa lihok sa world market trend.
Ang gilauman nga pagsaka tungod kini sa padayon nga pagtaas sa presyo sa lana sa internasyunal nga merkado, nga direktang nakaapekto sa lokal nga presyo sa mga produktong petrolyo.
Kung magpadayon kini nga trend, gilauman nga mosamot ang kabug-at nga palas-unon sa mga motorista ug konsumante, ilabi na sa mga sektor nga nagasalig sa transportasyon ug enerhiya.
