Adunay pagkunhod sa presyo sa kamatis sa mga palengke partikular na sa National Capital Region human sa labing pagsaka sa presyo niini sa pagsulod sa bag-ong tuig.
Kahinumduman nga subay sa monitoring sa DA kaniadto, miabot pa sa P360 ang kada kilo ang presyo sa kamatis sa pipila ka palitanan sa NCR.
Hinuon, gipahibalo ni DA Spokesperson Assistant Secretary Arnel de Mesa nga nunot pa man, nagpabilin nga taas o ‘elevated’ pa gihapon ang presyo sa kamatis apan kini miubos na kumpara sa presyo niini sa mga miaging mga adlaw.
Gikan sa P200 hangtod P300 o labaw pa nga presyo matag kilo sa mga nakalabayng mga adlaw, adunay mga merkado na usab sa kauluhan nga nagabaligya na sa P150 hangtod sa P160 matag kilo.
Una nang gikanayon sa DA nga sa pagsugod sa Pebrero o kataposan sa Enero, mas mukunhod pa gayud ang presyo sa kamatis uban sa pagdahom sab ngadto sa mga ani nga gikan sa mga dagkong supplier.
Nagatuo usab ang DA nga magpabilin nga taas ang local production niini gikan sa mga nag-unang producer sa tibuok nasud.
