Mius-os og 50% ang presyo sa kamatis sa mga nag-unang merkado, subay sa taho sa Department of Agriculture (DA).
Matud pa ni DA Asec. Arnel De Mesa, nga gikan sa kanhi P240 matag kilo kaniadtong miaging semana, moabot na lamang sa P120 ang matag kilo nga presyo sa kamatis sa mga merkado karong semanaha.
Layo ra kini sa kanhi P350 ngadto sa P360 matag kilo nga presyo sa pagsulod sa 2025.
Ang DA una nga gibanabana nga sa katapusan sa Enero 2025 o sayo sa Pebrero 2025, ang presyo sa kamatis mamahimong mobalik na sa normal.
Matod pa sa ahensya, naapektuhan ang suplay sa kamatis sa ulahing bahin sa 2024 gumikan sa sunodsunod nga mga katalagman, apan sa hinayhinay nga pag-ani sa mga probinsya nga nag-unang supplier sa kamatis, mibalik na usab ang normal nga suplay.
Subay sa datus sa DA, moabot sa 45% sa produksyon sa kamatis ang apektado sa sunodsunod nga mga bagyo nga miabot sa nasud.
