-- ADVERTISEMENT --
Gipasalig sa Department of Trade and Industry (DTI) nga dili mosaka ang presyo sa mga nag-unang palaliton hangtod Abril 30, human sa ilang pakigpulong sa mga manufacturer niadtong Abril 6.
Sumala kang DTI Secretary Ma. Cristina Roque, dili kinahanglan nga mag-panic buying ang publiko tungod kay igo ang suplay sa mga produkto sa mosunod nga mga semana.
Sakop sa kasabutan ang mga produkto nga adunay suggested retail price (SRP) sama sa de-latang sardinas, gatas, tinapay, kape, instant noodles, bottled water, laundry soap, kandila, asin, de-latang karne, condiments, ug toilet soap.
Padayon usab nga gimonitor sa DTI ang mga merkado aron masiguro nga igo ang suplay ug nagpabilin nga abot-kaya ang presyo sa mga palaliton.
