Gilauman nga mosaka pag-ayo ang ang presyo sa diesel ug gasolina sa sunod semana tungod sa padayong pagsaka sa presyo sa krudo sa global nga merkado, sumala sa usa ka tinubdan gikan sa industriya sa lana.
Sumala pa, gibase sa Mean of Platts Singapore o MOPS prices ug foreign exchange rates gikan Agosto 10 hangtod 13, posible nga mosaka ang presyo sa diesel og P3.75 hangtod P4.25 matag litro, samtang P2.50 hangtod P3.00 matag litro ang posibleng itaas sa gasolina.
Gikanayon sa tinubdan sa industriya nga nakaapekto sa pagsaka sa presyo sa lana ang pagkunhod sa optimism bahin sa posibilidad sa usa ka peace deal ug sa pagbalik sa shipping traffic sa Strait of Hormuz.
Gipunting usab ang padayong kabalaka sa pagkunhod sa global oil inventories, limitado nga suplay gikan sa Middle East Gulf ug pagkunhod sa exports gikan sa Black Sea. Dugang pa niini, posibleng mosalmot ang pressure sa global crude supply tungod sa mga disruption nga may kalabotan sa sanctions.
Lakip sa padayong nakaapekto sa presyo sa diesel ang mga risgo sa suplay sa Middle East ug limitado nga exports gikan sa Russia. Sa kasamtangan, kasagarang magpagawas ang mga kompanya sa lana sa ilang opisyal nga price adjustment matag Lunes, nga ipatuman sa mga gasolinahan pagsugod sa Martes.
