DAVAO CITY – Misaka sumala pa ug halos tulo ka pilo ang presyo sa mga commercial ug agricultura lot sa dakbayan sa Dabaw karong panahuna.
Gikanayon ni Engr. Jaime Adalin Jr, hepe sa City assessors office nga kini ang resulta sa padayong paglambo sa dakbayan sa Dabaw.
Sumala ni Adlin nga ang pagsaka sa presyo sa mga property sa syudad ang gumikan na usab sa mga infrastracture development sama na lamang sa bag-ong gitukod nga bypass road.
Dugang pa ni Adalin nga niadtong tuig 2009 ang commercial lot, nagkantidad lamang ug 10 mil ka pesos matag square-meter, apan karong tuiga 2019 subay sa assessmenent sa city assessors office miabot na sa 33 mil ka pesos ang matag square-meter.
Apan, alang sa mga price brooker, mas mahal ang presyo niini nga naa na sa halos 85 hangtud usaka gatus ka libo ka pesos matag square-meter. Samtang sa mga commercial lots, mo-abot na sa 100,000 pesos matag iktarya angpresyo karon o adunay pagsaka nga 20 hangtud 30 porsiento. Gikanayon usab ni Adalin nga mas ni-mahal usab karon ang mga lote nga naa nahimutang sa mga daplin sa highway.
