Giangkon sa Presidente sa Madagascar nga kasamtangan siyang nagtago sa usa ka luwas nga lugar aron protektahan ang iyang kaugalingon human sa giingong pagsuway sa pagpatay kaniya, nga milungtad sa pipila ka semana nga mga protesta gikan sa grupo sa kabatan-onang demonstrador nga gitawag og “Gen Z Mada” nga nanawagan sa iyang pagresign.
Sa usa ka live broadcast, gibutyag ni President Andry Rajoelina nga usa ka grupo sa mga military personnel ug mga politiko ang nagtumong nga patyon siya, ug may plano usab nga mohimo og kudeta.
Wala gipadayag sa Presidente kung asa siya nahimutang karon, apan adunay migawas nga dili pa kumpirmadong report nga miikyas na siya paingon sa gawas sa nasod sakay sa French military aircraft.
Sukad pa niadtong Miyerkules, wala na siya makit-i sa publiko, ug niadtong weekend, gipahibalo sa iyang opisina nga adunay paningkamot nga pwersahon siyang mokanaog sa pwesto.
Nagsugod ang mga protesta sa nasod tungod sa kasuko sa katawhan sa padayong kapakyas sa suplay sa tubig ug kuryente, nga mas misamot pa tungod sa pagkawalay trabaho sa kadaghanan, korapsyon, ug krisis sa gasto sa panginabuhi (cost of living) nga gitumbok sa administrasyon ni Rajoelina.
