Giklaro sa Malakanyang nga anaa sa maayong panglawas ug nagpabiling himsog si Pangulong Ferdinand Marcos jr.
Kini ang giluwatang pamahayag ni Palace Press Officer Undersecretary Atty. Claire Castro, homan mikatag sa social media nga nagkadugo ang ngabil sa pangulo samtang namulong sa Camp Aguinaldo kung gipasidunggan ang mga pamilya ug mga benepisyaryo sa namatay nga mga sundalo ug pulis.
Gumikan sa pagkatag sa social media sa hulagway nga adunay dugo ang ngabil sa presidente, hinungdan adunay mga espekulasyon ug pangutana sa panglawas sa presidente sa edad nga 67-anyos.
Apan gipaneguro ni Castro nga physically fit ang pangulo ug nagpabiling nakatutok sa mga trabaho niini. Gawas sa pagbisita sa Camp Aguinaldo, mitambong usab kini sa paghinumdum sa Araw ng Kagitingan sa Bataan ug sa paglusad sa national food fair sa Mandaluyong.
