DAVAO CITY – Gikanayon ni Pangulong Rodrigo Duterte nga mutudlo siya og “criminal law and proceeding” sa police academy sa Davao city sa higayon nga mahuman na ang iyang pagpangatungdanan isip pagkapangulo sa nasud.
Kini mao ang gipadayag sa Presidente kauban sa iyang pakigpulong sa usa ka kalihokan sa Malacañang diin iyang gihatagn og pasidungog ang mga atleta nga delegasyon sa Pilipinas nga misalmot sa 31st Southeast Asian Games.
Matod pa sa presidente, iyang gikonsidera na ang mahimong usa ka part-time professor, criminal law and proceedings sa police academy sa Davao City.
Plano sab sumala sa pangulo nga mubalik sa Davao city aron mutudlo sa higayon nga mahuman ang iyang termino sa Hunyo 30. Gikonsidera na kini sa pangulo isip sanga sa kanunay niyang pagyawyaw kabahin sa problema sa batok illegal nga droga sa nasud ug sumala pa sa pangulo nga ang illegal substance ang ingon man hinungdan ngano adunay mga corrupt nga mga pulis, piskal ug mga judges.
Kon kahinumduman, si Presidenteng Duterte , usa ka abogado nga misilbi isip prosecutor sa Davao city ayha misulod kini sa politika isip vice mayor sa iyang lungsod nga natawhan.
Samtang, si Executive Secretary Salvador Medialdea ang unang mibutyag nga adunay plano si Presidenteng Duterte nga magtudlo human sa termino niini, apan wala kini miingon kon unsa ug asa kini.
