DAVAO CITY – Gipahibalo karon sa lokal nga kagamhanan nga nagsugod na ang pre-registration pinaagi sa online sa tanan nga mga Safe Davao QR (DQR) code users alang sa mga buot magpakuna batok Covid-19.
Mamahimo lamang sumala pa nga magparehistro sa online pinaagi sa pagbisita sa SafeDavaoQR Mobile App Scanner sa website nga (profiles.safe-davao.com).
Kinahanglan lamang nga basahon pag-ayo ang mga instruction ug pindoton ang tab nga adunay nakasulat nga “Covid-19 Vaccine Pre-Registration is now open for individuals” dayon pisliton lamang ang “Register” ug i-type ang DQR code, registered mobile number, ug ang birth date.
Sa higayon nga magmalampuson ang pagpa-rehistro o pag-fill up sa form, maghulat na lamang ug schedule kung asa nga priority group kini pinaagi usab sa ipadala nga DQR text message.
Dili sab kinahanglan nga magpa-rehistro niini ang mga anaa sa Priority Groups A1 (medical frontliners) ug A2 (senior citizens).
