DAVAO CITY- Subling nagpahimangno karon ang lokal nga panggamhanan sa dakbayan ngadto sa publiko nga mosunod gayud sa ipatumang preemptive ug emergency evacuations sa mga otoridad panahon sa kalamidad.
Ang maong pahimangno ang nahisubay sa City Ordinance No. 0246-23, nga nag-awhag sa mga residente sa pagsunod sa ipatumang lakang sa mga hingtungdan ahensya.
Kini gumikan sa mga nasinatiang pag-ulan sa rehiyon nga posibleng moresulta sa mga pagbaha ug pagdahili sa yuta nga maoy hinungdan nga mabutang sa peligro ang kinabuhi sa katawhan.
Kahinumduman nga sa nakalabyng lamang nga adlaw, nakasinati og mga pagbaha ang pipila ka dapit sa syudad partikular na sa may Brgy. Tigatto ug Waan diin kapin 100 ka pamilya ang gipapahikling.
Alayon niini, gipanumduman karon s alokal nga panggamhanan ang publiko nga unahon gayud ang kaugalingon ayha ang mga kagamitan hilabi pa nga kini gayud ang sagad hingdan aron magmagahi ang mga residente sa paghikling kung galing makasinati og pasaka sa level sa tubig.
Gitagaan karon og gimbug-aton sa mga otoridad ang kamahingdanon sa kinabuhi lakip na ang ilang walay undang nga paghatag og pahimangno sa katawhan alang sa mga angay pagabuhaton panahon sa kalamidad.
Una nang gikabutyag sa OCD XI nga nagpadayon ang ilang monitoring sa sitwasyon sa panahon karong panahona nga matud pa epekto sa southwest monsoon.
