DAVAO CITY – Gidasig sa Professional Regulations Commission (PRC) ang mga bag-o nga mga magtutudlo sa Region 11 nga likayan lamang una ang pag-abroad.
Sumala pa kang PRC Commissioner Yolanda Reyes angay nga maka-serbisyo una sa Pilipinas ang mga bag-ong magtutudlo gumikan kay in demand sila dinhi sa nasod.
Kahinumduman nga niadtong Sabado nanumpa ang gatusan ka mga bag-ong mga magtutudlo nga passers sa licensure examamination for teachers niadtong bulan sa Marso.
Lakip kanila ang number 3 top notcher Jerald John Arebe. Sa kwentada sa PRC mokapin sa 2,500 ang mga LET passers nga gikan sa Davao Region.
Passing rate nga 32.1 ka porsiento sa Elementary, 35.40 ka porsiento nga passing rate sab alang sa Secondary.
Ang rehiyon unse sab ang nakakuha sa pinakadaku nga nakuha nga top notcher sa tibuok nasod nga mikabat ngadto sa baynte kwatro.
