Nagkatapok ang pamilya, higala, ug mga supporters ni Kapitan Oscar “Dodong” Bucol sa usa ka emosyonal nga Prayer Rally sa Zone 1, Freedom Park, Digos City, aron pasidunggan ang iyang kinabuhi ug mangayo og hustisya sa iyang kamatayon.
Mitambong sa rally si Davao del Sur Governor Yvonne Cagas uban sa iyang bana nga si Kanhi Vice Governor Marc Cagas, igsuong si Jay Caren Bucol, ug daghang lokal nga opisyales.
Gisalmotan usab ang mensahe ni Davao City Acting Mayor Sebastian “Baste” Duterte pinaagi sa recorded video, nga nagpanghinaut nga makab-ot sa pamilya Bucol ang hustisya.
Samot nga napuno og emosyon ang kalihukan samtang gipakita sa LED wall ang mga hulagway ug kalingawan sa kanhing kapitan, diin daghang mitambong ang napugos sa pagpanghilak sa kahidlaw ug pagpasalamat sa maayong buhat niya sa komunidad.
