DAVAO CITY – Gipasalig sa Davao Light and Power Company ang bastanteng suplay sa kuryente sa ilang mga franchise areas alang sa muabutay nga Barangay ug Sangguniang Kabataan Elections karong tuiga.
Gikanayon sa head sa Reputation Enhancement sa kumpanya nga si Fermin Edillon, bisan pa man nga mamahimong mano-mano ang piniliay karong tuiga kon itandi sa nakalabayng 2022 presidential elections, mas mahiayon pa hinuon kini sa panginahanglan sa matag polling precints sa tibuok Davao City ug ubang bahin sa Davao del Norte.
Dugang sab ni Edillion nga kon ugaling magkulang ang suplay sa maong mga bahin, dunay nay gikontratahan ang Davao Light nga maghatag og back-up nga suplay sa kuryente, lakip na ang pagkuha og suplay gikan sa Wholesale Electricity Spot Market.
Pagpagklaro ni Edillion nga walay mahitabong scheduled power interruptions sa adlaw sa piniliay karong Oktubre 30.
Apan kon ugaling unscheduled power interruptions gumikan sa mga wa damhang katalagman, makigkoordinar ang mga personahe sa Davao Light alang sa paghatag og assistance sa paghatag og power supply.
Nagpahimangno sab ang Davao Light nga tumanon ang saktong pagkabit sa mga campaign materials atol sa campaign period.
Hangyo niini nga dili ikabit ang mga tarpaulins duol sa mga kable sa kuryente aron dili magresulta sa power interruptions.
via || Bombo LJF
