DAVAO CITY – Gisugyot sa Davao City COVID-19 Task Force ang tanang mga Dabawenyos nga sundon ang minimum public health standards sama sa pagsul-ob og face mask ug kanunayon ang paghugas og kamot, ug ang magpa-booster shots.
Sa datos nga ilang nakuha niadtong Hunyo 26 hangtud Hulyo 4, upat ang natalang patay samtang muabot sa 5% ang positivity rate sa dakbayan as of 6 pm niadtong Hunyo 3.
Tulo sa mga kaso niini, fully vaccinated samtang usa ka unvaccinated ang nakabsan og kinabuhi. Sa gikatibukan muabotr sa 436 ka mga indibidwal nga napasailalom sa swab test niadtiong Hulyo 3, diin 22 ang natalang mipositibo.
Sukad napailalom sa alert level 1 status ang syudad niadtong Marso karong tuiga, 5% lamang ang positivity rate ang natala. Sa kasamtangan, adunay 103 ka mga active cases sa COVID-19, diin 54 niini ang asymptomatic, 43 ang dunay mild na sintomas, 2 ang moderate, 1 ang kritikal ug 1 ang severe.
Gikanayon ni City Health Office chief Dr. Ashley Lopez, posibleng hinungdan sa ubay-ubay nga pagsaka sa kaso sa COVID-19 sa syudad ang mga nagkadaghang mga social and recreational activities nga gipahigayon
Dugang pa sa hepe, bisan naabot sa Davao City ang herd immunity sa mga primary doses sa bakuna, mikunhod ang ihap sa mga nagpa-booster.
As of June 30, anna sa 1,333,537 ang fully-vaccinnated o dul-ang nasa 86.38% sa kinatibuk-ang populasyon base sab sa 80.67% o 1,531,004 sa target population niini.
Apan nasa 278,866 o 21.09% ang nakakuha sa ilang unang booster shots ug 35,410 o 12.70% ang nakakuha sa ilang second booster jabs.
Sa pakighinabi kang Davao City COVID-19 Task Force Spokesperson Dr. Michelle Schlosser, subli niyang giingon nga mawala ang bisa sa mga unang doses sa bakuna human sa unom ka bulan.
Busa gipakusgan pa nila ang pagdasig sa katawhan nga magpabakuna ug magpabooster na ug dili huwaton ang labing pagsaka usab o surge sa mga kaso sa COVID-19.
Sa kasamtangan, abli na ang pagpabakuna sa 18 ka district health centers dinhi sa dakbayans a dabaw. –
by Bombo LJ Florendo
