Posibleng mosaka pa ang presyo sa petrolyo sunod semana, diin ang mga motorista mamahimong magsagubang sa kapin P20 matag litro sa diesel.
Sumala sa usa ka tinubdan, gibana-banaan ang presyo sa diesel mahimong moabot sa P20.10 hangtod P20.30 matag litro karong Marso 10.
Mas taas usab ang projection sa gasolina, nga posible moabot usab og P10 hangtod P10.20 matag litro.
Sumala pa sa tinuddan, posible pang mosaka kini, tungod kay ang premium ug freight mahimo nga mas taas kaysa kasagaran gumikan sa kasamtangang sitwasyon sa tungang sidlakan.
Sa lokal nga merkado, ang presyo sa lana nagasaka sulod sa napulo ka semana, apan karon pa lamang makita na ang posibleng lebel sa pag-adjust sa presyo ning tuiga.
Kini gumikan sa gubat tali sa Iran ug sa United States ug Israel, nga nagbutang sa risgo sa global supply.
Samtang gipahayag ni Sec.Sharon Garin nga andam na ang mga fuel retailers sa staggered increase, apan ang detalye niini wala pa ma-finalize karong panahuna.
Gipahimangnuan usab niini ang publiko batok sa hoarding o mass buying, tungod kay kini mahimong makaguba sa merkado.
Sumala sa gobyerno, gipasalig niini nga adunay duha ka bulan nga fuel supply ang nasud.
