Nanawagan si Pope Leo XIV nga undangon na ang nagpadayon ug nagkagrabe nga “spiral violence” sa Middle East, human sa pag-atake sa Iran nga gihimo sa United States ug Israel nga gisundan pa sa mga airstrike.
Sa iyang mensahe ngadto sa mga tumutuo sa St. Peter’s Square, nagpahimangno ang Santo Papa sa posibilidad nga mogawas ang usa ka dako kaayong trahedya kon dili dayon mapugngan ang pagsamot sa kagubot.
Sumala ni Pope Leo, atubangan sa hulga sa usa ka dako kaayong trahedya, nanawagan kini sa matag nasud nga nalambigit nga magpakita og moral nga responsibilidad aron undangon ang kasamtangang kagubot sa dili pa kini mohatod ug mas grabe pa nga kadaut.
Nagpaguwa og mga pahayag ang Papa human sa padayon nga pagbinayloay sa pag-atake tali sa Iran ug sa US ug Israel, nga naghatag ug kabalaka sa posibleng mas dako nga destabilisasyon sa Middle East ug sa tibuok kalibutanong komunidad.
