Wala gipalabay ni Pope Leo ang mga nasud nga nagpasiugda sa kagubot.
Sa iyahang homily atol sa Palm Sunday sa Vatican, iyahang gibutyag nga dili dawaton sa Ginoo ang mga pag-ampo sa mga lider nga nagsugod og gyera. Kini ang iyahang lawom nga mensahe nga gitumong sa mga nasud nga nalambigit sa gubat sa Iran.
Dugang pa sa Papa nga walay bisan kinsa ang makadepensa sa maong kagubot. Isip Hari sa Kalinaw, dili paminawon ni Kristo ang mga pag-ampo sa mga nagsugod og giyera tungod kay puno sa dugo sa mga biktima ang ilahang mga kamot.
Wala usab hinganli sa Santo Papa kung unsang mga nasud ang iyahang gitumong.
Kahinumduman nga sa makadaghang higayon, nanawagan ang Santo Papa sa mga nasud nga mag-estorya ug magkasabot aron matapos na ang gyera sa tungang sidlakan.
