Pope Leo giawhag ang US ug Russia sa bag-ong nuclear arms control treaty

Giawhag ni Pope Leo ang mga lider sa Russia ug US nga i-renew pag-usab ang ilahang nuclear arms control treaty.

Dugang pa niya, importante kaayo ang pagbaton og maayong kasabutan aron mapugngan ang paggamit sa nuclear weapons.

Ang maong kasabutan nga gipirmahan niadtong 2010 gikatakdang mapaso na karong Biyernes kon ugmang adlawa.

Una nang mibutyag si Russian President Vladimir Putin nga ang maong kasabutan mahimo pang palawigon hangtod sa usa ka tuig.

Apan hangtod karon, wala pa’y tubag o reaksyon mahitungod sa maong isyu si US President Donald Trump.