Pope Francis, padayon nga pagpaayo

Padayon ang pagpaayo sa kondisyon sa panglawas ni Pope Francis sa pakigbatok niini sa pneumonia.

Sumala sa Vatican, nakaangkon og improvements ang iyang kidney.

Bisag wala na kini nakaangkon og problema sa pagginhawa, nakabutang gihapon ang iyang oxygen.

Makighinabi na sumala pa kini sa mga staff sa Vatican ug normal na kini nga nakakaon.

Mao na kini ang ika-13 nga adlaw sa 88-anyos nga Argentinian Pope sa ospital nga maoy labing dugay nga pagpundo niini sa balay tambalanan sukad nga mipungko kini sa puwesto sa dose ka tuig na ang nakalabay.

Pipila ka gatus katawo ang mitambong sa prayer vigil sa St. Peter’s Square alang maghalad og pag-ampo sa paspas nga pag-ayo sa Santo Papa.