Gihangyo ni Pope Francis ang mga matouhon nga magpadayon sa pag-ampo alang niini.
Mao kini ang mensahe nga iyang gipadala atol sa tradisyonal nga pag-ampo nga Angelus prayer sa Vatican.
Sulod sa duha ka sagunsun nga semana, wala na kini makatambong sa maong pag-ampo.
Sa iyang mensahe, nagpadayon sumala pa kini sa pakigbisog sa iyang sakit sa Gemelli Hospital sa Roma.
Wala sumala pa niini kalimti ang pagpasalamat sa iyang mga doktor ug mga health worker sa ospital, ingon man sa mga maayong buot nga nagpadala og mga mensahe.
Sukad nadala sa ospital ang 88-anyos nga Santo Papa, nag-vigil na ang mga matouhon.
Ang iyang mga doktor sa sinugdan gikanayon nga ang Santo Papa nagkinahanglan og dugo gumikan sa iyang ubos nga platelet count, nga nalambigit sa anemia.
Gawas niini, nagkinahanglan pa kini og “high flow” oxygen gumikan sa iyang kalisod sa pagginhawa.
Kahinumdoman nga niadtong Pebrero 14, ang Santo Papa daling gidala sa tambalanan gumikan sa bronchitis, nga nigrabe ngadto sa pneumonia sa duha ka baga.
