DAVAO CITY – Gitawag nga “Politics is disastrous,” ni Davao City Mayor Inday Sara Duterte-Carpio dihang gipangutana kini kung aduna siyay plano sa 2022 Presidential elections.
Kahinumduman nga una ng gibutyag sa Mayor nga mas daghanang infrastructure plans sa administrasyon ang magpadayon kung subli kini nga magpapili sa 2022.
Hinuon dili makasulti ang Mayor sa iyang plano sa 2022.
Kalakip pa sa plano sa Mayor ang expansion plan sa City Hall diin buot niini nga adunay underground parking sa katapad niini nga Rizal Park.
Nasayran nga anaa pa karon sa iyang ikaduha sa three-year term sukad 2016 bisan nga una na siya nga nagserbisyo isio mayor gikan tuig 2010 hangtud 2013 uban ang iyang amahan nga si Pangulong Rodrigo Duterte nga nagsilbi usab kaniadto isip vice mayor, ug nahimong vice mayor sa kini dihang nahimong Mayor usab ang iyang amahan sukad 2007 hangtud 2010.
Sa kasamtangan buot una ni Mayor Inday nga tutokan ang kasamtangan nga isyu sa COVID-19 pandemic sama sa paghatag ug daghanang trabaho, madungagan pa ang pag-abli sa mga negosyo ngadto sa 100-percent capacity, palig-onon pagbalik ang ekonomiya ug daghanan pa.
