DAVAO CITY – Dako ang pagtoo ni Professor Ryan Maboloc, sa Ateneo de Davao University nga dili maapektohan ang relasyon isip pamilya ni Davao City Mayor Inday Sara Duterte-Carpio ug ni Pangulong Rodrigo Duterte tungod lamang sa politika.
Gikanayon sa nahisgutan nga lahi ang dagan sa politika ug sa personal nga kinabuhi.
Hinuon ang nahimong desisyon simala pa ni Mayor Inday nga makig-tandem kang kanhi senator Bongbong Marcos alang sa nagsingabot nga eleksiyon sa mosunod nga tuig ang nagpamatuod lamang nga independent si Mayor Inday sa ilang mga desisyon ug wala nagsalig sa bisan kinsa man nga politiko kalakip na sa iyang amahan.
Gikanayong ang gipakita ni Mayor Inday matawag sumala pa nga “defiant approach” adunay independent nga desisyon.
Gitataw sab ni Maboloc nga gihimo sab nga lakang ni Mayor Inday sa iyang political career ang makapalikay kaniya sa mga kritisismo sanglit nalikayan sab niini ang daynastiya sa ilang pamilya ug wala nanimaw sa mga pag-awhag nga magpapili sa pagka-pangulo.
Hinuon mas dako pa gihapon ang tsansa ni Mayor Inday nga mamahimong pangulo sa umaabot pa nga panahon ilabi na nga bata pa ang pangidaron niini.
