DAVAO CITY – Gitugutan na ang mga political activites sa dakbayan sa dabaw, gawas lamang ang pagpahigayon ug mga motorcades ug caravans.
Subay sa Executive Order (EO) 10 Series of 2022 penetsahan ug March 7, 2022, gisagop niini ang guidelines sa mga campagn activities nga gitugtan subay sa Commission on Elections (Comelec) Resolution 10732 Series of 2021.
Ilalom sa section 2 sa EO nagkanayon nga ang tanang mga poltical caravans ug mga motorcades ang gidili lamang gihapon sa syudad, apan gitugutan hinuon ang nuban pang mga political activities sama sa mga caucuse, meetings, conventions, rallies, Miting de Avance, ug in-person campaign activities.
Wala na usab gikinahanglan pa ang permit o application nga pil-apan gumikan kay ang susamang mga political activities ang makonsidera nga aprubado na human makahimo sa pagbayad ug regulatory fees.
Na-una nang gikanayon ni Mayor Inday Sara nga ang pagdili sa mga motorcades ug caravans ang subay na usab sa pipila ka mga rason sama sa padayong pagsaka sa prfesyo sa gasolina, pagsaka sa presyo sa nag-unang palaliton ug ang mamugna nga grabeng kahasol sa dagan sa trapiko nga mamugna kung adunay motorcade.
