Gihatagan og medal nga “Medalya ng Sugatang Magiting” ug tulo sab ka adlaw nga leave ang usa ka police woman, human nga nakaangkon kini og bukol sa agtang sa dihang gihapak kini og cellphone ni Honeylet Avanceña, ang common law wife ni kanhi Pangulong Rodrigo Duterte.
Subay sab sa pahibalo ni CIDG Chief Police Major General Nicolas Torre III, nga ang maong medalya, angayan ra nga ihatag ngadto sa police nga nabuklan.
Dugang pa nga laraw unta kining magpasaka og reklamong direct assault ang maong pulis ngadto kang Avanceña, apan wala na niini gipadayon, gumikan sumala pa niini nga parte lamang sa ilahang trabaho ang muatubang sa mga nagkadaiyang komosyon.
Kahinumdumang, nagpaguwa og video clip ang PNP aron nga pamatud-an nga gihapak gayud kini og cellphone ang usa ka police woman, rason nga nakaangkon kini og dakong bukol sa agtang.
