DAVAO CITY – Nagmalinawon ug hapsay sa kinabuk-an ang pag obserba sa UNDAS 2022 sa Region XI.
Sumala kang Police Regional XI Director Director PBGen. Benjamin Silo, mukabat sa 2,148 uniformed personnel ang ilang gipakatag, diin gilangkuban kini sa 288 Police Assistance Desks officers, 563 road safety marshalls, ug 1,475 force multipliers sa nagkadaiyang sementeryo sa rehiyon onse.
Nakumpiska usab sa kapulisan ang mukabat sa 167 ka kontrabando sama sa mga hait nga hinagiban nga gidala sa mga niduang sa sementeryo.
Gawas niini nasikop usab atol sa kalag-kalag ang 12 ka wanted person diin lima sa nahigustan ang most wanted person.
Alayon niini gidayig ni Police Regional Director Silo, ang han-ay sa kapulisan ug mga kaagbag nga peacekeeping ug security forces nga maoy nipatuman sa kalinaw ug seguridad ning nakalabay’ng kalag kalag.
